Monday, May 27, 2013


-முகநூல் கவிதை -


படைப்புக்கள் எப்போதும் பொழுது போக்கானவை அல்ல எந்தவகை படைப்பிலும் நிச்சயம் சமூக சீர்திருத்தம் நிச்சயம் உண்டு ..அது கவிதையாக கதையாக கட்டுரையாக நகைச்சுவையாக ..எதுவாகவும் இருக்கலாம் ...!!!

இந்தவகையில் -முகநூல் கவிதைகள் -சிலவற்றை
வெளியிடப்போகிறேன்..முகநூலால்..நிறைய பயன்பாடுகள் இருப்பதை யாரும் மறுப்பதற்கு இல்லை ..அதே முகநூல்..சமூக சீரழிவுக்கு காரணமாக இல்லாமலும் இல்லை ...!!!

எனது படைப்பின் நோக்கம் என்னால் முடிந்த அள்வுக்கு சமூக சீர்திருத்தத்தை வெளிப்படுத்துவதாகும் உங்களின் நோக்கமும் 
அதுதான் ...!!!

எனது பல்வேறு புதிய படைப்புகளில் இதுவும் ஒன்று ..கானாகவிதை ,கடுகுக்கதை .கடுகுக்கவிதை .தகவலும் கவிதையும் ,கவிதையில் ஒரு கதை .....போன்ற படைப்புக்களில்

-முகநூல் கவிதை -

என்பதும் ஒரு புதிய முயற்சி கடந்த காலம் போல் இதற்கும் 
உங்கள் ஆதரவும் கருத்தையும் எதிர் பார்க்கிறேன் ....ஒரு முகநூல் கவிதை இதோ ...

பாட நூலுக்காக செலவிட்ட...
நேரத்தைவிட -உனக்காக...
முகநூலுக்காக செலவிட்ட ..
நேரம் அதிகம் -இப்போ 
உடல் நூலுக்காக (புடவை )
தவிக்கிறேன் ....!!! 

இதுபோன்ற என்னால் முடிந்த விழிப்புணர்வை 
ஏற்படுத்த முயற்சிக்கிறேன் ...
........ பணிவுடன் நன்றியுடன்....

ஹைக்கூ .... 

தன்னை அழித்தாலும் 
இறுதிவரை மூச்சுதரும் 
- மரம்- 
****************************** 
நவரசத்தை காட்டும் 
சலனமுள்ள சடப்பொருள் 
-தொலைக்காட்சிபெட்டி - 
****************************** 
கருவில் கலையாமல் 
தெருவில் கலையும் 
-குழந்தை தொழில் - 
****************************** 
தான் நடனமாடி 
பிறரை வாழவைக்கும் 
-பேனா -



வரும் ! வரும் ! வரும் ! 

சிரித்துப்பார் நலம் வரும் .. 
சிந்தித்துப்பார் தெளிவுவரும் .. 

நல்லவனுக்கு நியாயம் வரும் .. 
கெட்டவனுக்கு அநியாயம் வரும் .. 

கண்ணுக்கு காதல் வரும் .. 
காமத்துக்கு உடல் வரும் .. 

பேனாவுக்கு கவிதை வரும் ... 
பெயரோடு முதல் எழுத்து வரும் .. 

பெண்மைக்கு வெட்கம் வரும் .. 
ஆண்மைக்கு வீரம் வரும் .. 

பண்போடு வாழ்ந்துபார் ... 
எல்லோருக்கும் எல்லாம் வரும்



தனிமையில் அழுதேன்,, 

தனிமையில் அழுதேன்,, 
உறவுகள் இல்லாமல் அல்ல.... 
என் தாய் நினைவு வாட்டியதால் ... 
அம்மா!!! 
உன் இறப்பின் பின்... 
நான் அழுதேன்... 
உலகில் பாசமே இறந்ததால்.. 
இன்னும் நான் நம்பிக்கையுடன் .. 
இருக்கிறேன் ... 
நீ தானம்மா என் மகள் ..!!!



இதயம் காயப்படுகிறது ..!!! 

நீ என் வானம் ... 
நான் அதில் இருக்கும் .. 
விடிவெள்ளி ... 
விடியும் வரை.. 
காத்திருக்கிறேன் ... 
உன்னோடிருக்க ... 

பட்டம் விட... 
ஆசைப்பட்டேன்... 
இப்போ பட்டம் பெற ... 
ஆசைப்படுகிறேன் .. 
உன்னை அடைய .. 

நீ அருகில் .. 
வரும் போதேல்லாம் .. 
இதயம் காயப்படுகிறது ..!!! 

கஸல் ;66



கொடியது கொடியது 

கொடியது கொடியது 
காதல் கொடியது 
அதனிலும் கொடியது 
உன் காதல் எனக்கு 
கொடியது 

இனியது இனியது 
தனிமை இனியது 
அதனிலும் இனியது 
உன்னால் நான் 
தனிமையானது 

வலியது வலியது 
என் காதல் வலியது 
அதனிலும் வலியது 
நீ தந்த வலியானது 

கஸல் ;69



கண்ணீரால் கையொப்பம் இடுகிறேன் ... 

உனக்கு 
கண்ணால் கடிதம் 
எழுதி -என் 
கண்ணீரால் 
கையொப்பம் இடுகிறேன் ... 

விட்டிலின் 
வாழ்க்கைதான் -என் 
காதல் -உன் வெளிச்சத்தில் 
மயங்கி விட்டேன் 

காக்கையின் கூட்டில் 
அடைகாக்கும் -குயில் 
முட்டைபோல் .. 
நான் உன் காதலில் 

கஸல் ;70



நான் படும் வேதனை 

நீ என் 
கைதொலைபேசி 
வைத்திருக்கவும் 
முடியல்ல 
விட்டுட்டு வரவும் 
முடியல்ல 

காற்றாடியை 
போட்டுவிட்டு 
தீபத்தை பார்க்கிறாய் 
நான் படும் வேதனை 

கற்பத்தையும் 
காதலையும் 
மறைக்கவே 
முடியாது 

கஸல் 73



தனியாக பேசுவேன் 

நான் இரவில் 
தனியாக பேசுவேன் 
விடியல் காலை 
அதுதான் பத்திரிகையில் 
கவிதை 

நீ 
பனிக்கட்டி 
உனக்கில்லை 
குளிர் 

நீ சூடில்லாத 
நெருப்பு 
நான் நெருப்பில்லாத 
சூடு 

கஸல் ;74


என் காதல் ஐஸ் போன்றது ..!!! 

என் காதல் 
குச்சியில் இருக்கும் 
ஐஸ் போன்றது 
இப்போ -குச்சி 
என்னிடம் இருக்கு 
ஐஸ்சைக்கானவில்லை .. 

மனம் என்னும் -என் 
வயிறு பசிக்கிறது 
நீ 
சமைக்கவில்லை 
என்கிறாய் 

சிறுவயதில் 
நடந்த நிகழ்வு 
கனவில் வந்ததுபோல் 
நீ வருகிறாய் 
மங்கலாக ...!!!

சிறப்பு இடுகை

முதல் காதல் அழிவதில்லை

இந்த ஜென்மத்தில் ..... அழிவே அழியாது .... முதல் காதல் பேசிய ..... வார்த்தைகளும் .... நினைவுகளும் .......!!! துவையல் இடித்த ..... உரல...