Thursday, July 4, 2013

கே .இனியவன் ஹைக்கூக்கள்


இல்லாவிட்டாலும் பிரச்சனை
இருந்தாலும் பிரச்சனை
பணம்
*******************************
உடல் சுத்தம்
உள்ளச்சுத்தம்
தியானம்
******************************
மழலைகளிடம்
மூட நம்பிக்கை விதைப்பு
சரஸ்வதி இலை படிப்பு தரும்
************************************
பரவசம் அடைந்தனர்
பார்க்கும் மனிதர்கள்
கவலையில் கூட்டில் கிளி
**********************************
அம்மாவை விட
மழலைகள் மகிழ்ந்தன
பாடசாலை விடுமுறை
**********************************
இளமையின் இனிமை  
தாமதமாக இனித்தது
முதுமை
*********************************
தோற்றம் மறைவு
சாதாரண மனிதனுக்குத்தான்
போராளிக்கு இல்லை

கவிதை என்பது....

கவிதை என்பது.... 
எண்ணங்களின் பிரம்புத்தடி 
சமுதாயத்தை புரட்டி எடுக்கும் .. 
இயந்திரம் -செவியினூடாக.. 
சிந்தை கேட்டவரை கிழிக்கும் போர் வாள் 
அடிமைகளை அழிக்கத்துடிப்பவனுக்கு... 
அணுகுண்டு ...!!! 
அதனால் தான் நான் பலமுறை சொன்னேன் ... 
கவிதை பொழுது போக்கு கருவியல்ல .

வெளிச்சத்தில் நிழலின் வேலை என்ன ?

இத்தனை நேரம் 
என்னைத் தொடர்ந்த
நிழல் 
இருட்டில் மட்டும் 
எங்கே போனது?

இருட்டில் எங்கோ 
ஒளிந்து கொண்டு 
வெளிச்சத்தில்  நிழலின் 
வேலை  என்ன ?

பட்டப் பகலில் 
பயணத் துணை 
யார் கேட்டது?

இத்தனை நேரம் 
என்னைத் தொடர்ந்த நிழல் 
இருட்டில் மட்டும் 
எங்கே போனது?

வெளிச்சத்தில் சேவையும் ..
இருட்டில் விடுமுறையும் ...
எடுக்க நீ என்ன அலுவலக ..
உத்தியோகத்தரா ...???

என்னோடு இருந்து ..
எனக்கே இடையிடையில் ..
கழுத்தறுக்கும் நீ ...
எப்படி என் நிழல் என்பேன் ..??

ஓ அதற்காக தான் நீ ...
முகம் காட்டாமல் ..
இருளாய் இருக்கிறாயா ...???

சிறப்பு இடுகை

முதல் காதல் அழிவதில்லை

இந்த ஜென்மத்தில் ..... அழிவே அழியாது .... முதல் காதல் பேசிய ..... வார்த்தைகளும் .... நினைவுகளும் .......!!! துவையல் இடித்த ..... உரல...