Wednesday, October 9, 2013

குடிகொண்டுவிட்டாய் ....!!!

உன் வீட்டில் ஒரு அறையில்
தற்காலிக குடியிருந்தேன்
நீ நிரந்தரமாக என் இதய
அறையில் குடிகொண்டுவிட்டாய் ....!!!

காதல் இப்படித்தான்

பிரியும் போது சொல்லுகிறாய்
இப்போது தான் உன்னை
புரிந்து கொண்டேன் என்று ,,,,,!!!

புரிந்து கொள்ள வேண்டிய
நேரத்தில் புரிந்து கொண்டிருந்தால்
பிரிந்து செல்ல வேண்டியிருக்காதே ...!!!

காதல் இப்படித்தான்
காலதாமத்தத்தால்
காலாவாதியாகிறது ....!!!

எத்தனை ஜென்மம் பிடிக்குமோ ...

உனக்கு என்ன பிடிக்கும்
என்று கண்டுபிடிக்கவே
என் ஆயுள் போதாது ....!!!

என்னை பிடிக்குமா ...?
என்று கண்டுபிடிக்க
எத்தனை ஜென்மம்
பிடிக்குமோ ....?

முடியாமல் தவிக்கிறது ....!!!

எத்தனை முறை முயற்சித்தும்
முடியாமல் தவிக்கிறது நிலவு.
உன் அழகோடு போட்டி போட
முடியாமல் தவிக்கிறது ....!!!

உண்மையாக்கி விட்டாய் -நீ

என்னில் தான் தவறு
சிறுவயதில் சொன்னதை
பொருட்படுத்தாதற்கு ...!!!
எதிர்பார்ப்புகள் ஏமாற்றத்தை
ஏமாற்றத்தை   தரும்
ஏமாற்றம் வலியை தரும்
உண்மையாக்கி விட்டாய் -நீ  

நான் மனிதன் இல்லை ....!!!

உன்னை மறக்கும் எண்ணம்
எந்த நொடியிலும் இல்லை
உன்னை மறந்தால் அந்த
நொடி  முதல் நான் மனிதன்
இல்லை ....!!!

மறுபடியும் உனக்கு மகனாய் பிறக்க வேண்டும்

அம்மா.
உன்னை நினைக்கும்
போது எனக்குள்
எல்லா நரம்பும் இரத்தத்தை
கடத்தவில்லை - உன் உருவத்தையே
இரத்தமாய் கடத்துகிறது ....!!!

பிள்ளை பருவத்தில்
செல்ல காயம் வந்தால் கூட
விளையாட்டுக் காயங்கலாக
எடுக்காமல் -உன் கண்ணுக்கு
திரியை வைத்து விடிய  விடிய
விளக்காய் எரிவாயே
தாயே ....!!!

சிறு வயதில் எல்லோருக்கும்
பசியதிகம் -பள்ளி விட்டு வந்து
படாத பாடு படுத்திவிடுவேன்
உன் காலை உணவை எனக்காக
வைத்திடுந்து நீ பட்டினீயிருப்பாய்
தாயே ......!!!

என் புத்தகச் சுமை
உன் வலது தோலில் சுமப்பாய் ...
செருப்பில்லாத பாதங்களேடு....
இடுப்பில் என்னைசுமந்திருக்கிறாய்.
வீடு வந்தவுடம் களைத்து விட்டாய்
மகனே என்று -உன் களைப்பை
பொருட்படுத்தாத  அதிசயப்பிறப்பு
தாயே .....!!!

அ - வரிசையில் சொற்கள் சொல்லடா
அம்மா என்பேன் -உலகிலேயே
அப்படி சொன்ன முதல் பிள்ளை
என்பது போல் இனிமேல் யாரும்
சொல்ல மாட்டார்கள் என்பது போல்
உள்ளம் குளிர்வாய் ..
தாயே .....!!!

நான் பெற்ற சின்ன வெற்றிகளை
உலகசாதனைபோல் ஊர் முழுக்க
தம்பட்டம் அடிக்கும் -உன்
கதையை மற்றவர்கள் -அலட்டல்
என்று சொல்வார்கள் -எனக்கு
அதுதான் தாயே எனக்கு -உன்
ஊட்ட பானம்
தாயே ....!!!

வேலை தேடும் வயதில்
வெறும் கையோடு வருவேன்
எல்லோர் முகத்திலும் சோர்வு
தாயே -உன் முகத்தில் மட்டும்
எதுக்கடா கவலை படுற
நாளை கிடைக்குமடா மகனே
என்று - ஆறுதல் கரமானது
நீட்டியது உன்னை தவிர யார்
தாயே ......!!!

எனக்கு வேலை கிடைத்தபோது
நான் வெறுமனே மகிழ்ந்தேன்
நீயோ உயிரை உருக்கி மகிழ்ந்தாய்
முதல் காசு எடுத்து உன்
முந்தானையில் முடிந்து
கோயிலுக்கு அர்ச்சனை செய்தாயே
தாயே .....!!!

எப்படியெல்லாம் வாழ்ந்த நான்
இப்போ தாயே நீயில்லாமல்
வாழும் உலகம் - மனிதரே
வாழாத செவ்வாய் கிரகத்தில்
வாழ்வதுபோல் இருக்கு
தாயே ....!!!

தாயே உன்னைப்போல்
போலியில்லா முகம் வேண்டும்
எதிர் பார்ப்பில்லாத அன்பு வேண்டும்
தியாகத்தில் எல்லையற்ற கடலே
மறுபடியும் உனக்கு மகனாய்
நான் பிறக்க வேண்டும் வா ...
தாயே .....!!!

தோல்வியை சந்திக்கிறார்கள்

உங்கள் காதல் கண்ணில் தோன்றி
இதயத்தில் முடிந்தால் -நிச்சயம்
தோற்காது ...!!!

கண்ணில் தோன்றி
கண்ணில் முடிவதால் தான்
நிறைய காதலர்கள்
தோல்வியை சந்திக்கிறார்கள் 

சிறப்பு இடுகை

முதல் காதல் அழிவதில்லை

இந்த ஜென்மத்தில் ..... அழிவே அழியாது .... முதல் காதல் பேசிய ..... வார்த்தைகளும் .... நினைவுகளும் .......!!! துவையல் இடித்த ..... உரல...