Wednesday, December 4, 2013

காதல் ஒன்று பிரியும் போது ...?

உயிர் ஒன்று பிறக்கும் போது
உயிர் ஒன்று இறக்கும் போது
வரும் வலியை விட
காதல் ஒன்று பிரியும்
போது வரும் வலி
அதிகம் தொடர்ந்து
இருப்பதால் ...!!!

வெறும் வயிற்றோடு துடிக்கும் ...?

ஆடம்பர மாளிகையில்
அலங்கார மின் விளக்குகளே 
அவர்கள் வீட்டு நட்சத்திரங்கள் 
எம் வீட்டில் நட்சத்திரங்களே 
அலங்கார விளக்குகள் 
வீட்டு கூரையில் பிரகாசமாய் 
ஒளிந்துகொண்டிருக்கும் 
எங்கள் வீட்டு மின் விளக்குகள் ....!!!

ஒரு கடி கடித்து விட்டு 
ஓரமாய் கிடக்கும் ஆப்பிள் பழம் 
அந்த வீட்டின் அநாதை பிறப்பு 
எப்போது எங்கள் வீட்டுக்கு 
அப்பிள் பழம் வரும் என்பது 
அப்பிளுக்கு எங்கள் வீடு 
பிரதம விருந்தினர் .....!!!

பழங்கஞ்சிதான் எங்கள் 
தினம் தோறும் ஊட்டப்பாணம் 
எம் குழந்தையின் அழுகை ஓசை 
அடங்கும் வரை ...
"குழலினிது யாழினிது " என்ற 
குறள் கூட வியப்புடன் தான் 
பார்க்கிறோம் .......!!!

சப்பாத்து இல்லையே என்று 
கவலைப்படாதே -கால் 
இருக்கே என்று சந்தோசப்படு 
என்றான் ஒரு தத்துவ ஞானி 
பழங்கஞ்சியாவது கிடைக்கிறதே 
என்று சந்தோசப்படுவதன் மூலம் 
வெறும் வயிற்றோடு துடிக்கும் 
குடும்பத்தை விட எம் குடும்பம் 
அரச வாழ்க்கைதான் வாழுகிறது ....!!!

ஜெயம்பெறும் ...!!!

காதல் எதிர் பாராமல் 
வருகிறது என்பது 
நிஜம் தான் ...!!!
காதல் எதிர் பார்த்து 
வருவதுதான் 
ஜெயம்பெறும் ...!!!

சுனாமியானது நீ

தூறலாக இருந்த என் 
காதல் கவிதை 
சுனாமியானது நீ 
என்னை காதலிக்கிறேன் 
என்று சொன்னவுடன் ....!!!

சுவாசிக்க முடியவில்லை ....!!!

மூச்சாக இருந்தவளே 
மீண்டும் வந்துவிடு 
உனக்கும் சேர்த்து 
சுவாசித்த என்னால் 
தனியே சுவாசிக்க 
முடியவில்லை ....!!!

அழுது விட்டது ,,,!!!

கவிதை கடதாசியில்
எழுதுவதால் வலி
தெரியாது கவிதைக்கு ....!!!

காதல் இதயத்தில்
எழுவதால் அதற்கு
தெரியும் வலி -இப்போ
கவிதையே அழுது விட்டது ,,,!!!

சிறப்பு இடுகை

முதல் காதல் அழிவதில்லை

இந்த ஜென்மத்தில் ..... அழிவே அழியாது .... முதல் காதல் பேசிய ..... வார்த்தைகளும் .... நினைவுகளும் .......!!! துவையல் இடித்த ..... உரல...