Monday, December 30, 2013

கூடுதான் மிஞ்சிவிடும் ....!

இதயம் எனும் தேன் கூட்டில் ....
நினைவுகள் எனும் தேனீக்களை ...
கொண்டு கட்டிய கூட்டை யாரோ ....
இடைக்கிடையில் கல்லெறிகிறார்கள் ...
இடம் கொடுக்காதே அன்பே ...
இறுதியில் தேன் இல்லாமல் ....
கூடுதான் மிஞ்சிவிடும் ....!

மரத்தை மாற்றிவிடு ...!

பட்ட மரத்தில்
பட்டாம் பூச்சிக்கு...
என்ன பயன் ..?
என்னை ஒரு காதல் ..
பட்ட மரமாக்கி விட்டது ....!
நீயோ
பறக்கத்துடிக்கும்
பட்டாம் பூச்சி ...!
உன் கனவுகளுக்கும்
கற்பனைகளுக்கும் ..
இந்த மரம் பொருத்தமில்லை ...
தயவு செய்து
மரத்தை மாற்றிவிடு ...!

உன்னை அறிந்து கொள்வது ..?

நீ சிப்பிக்குள் இருக்கும் ...
முத்தைப்போல் என்
இதய அறைக்குள் ..
முத்தாய் இருக்கிறாய் ....!

சிறு மழைதுளிதான்
முத்தாக மாறுவது போல் ...
உன் ஓரக்கண் பார்வையால்
இதயத்துக்குள்
முத்தானாய் ..........!

முத்துக்குழிப்பது
எவ்வளவு கடினமோ ...
அதைவிட கடினம்
உன்னை அறிந்து கொள்வது ..?

நீ கவிதையை எப்படி எழுதுகிறாய் ..?

இரு இதயங்கள் கண்ணீரால் 
கவிதை எழுதினால் ..
காதல் தோல்வியென்று அர்த்தம் ....!

இரு இதயங்கள் சிரித்துக்கொண்டு 
கவிதை எழுதினால் ..
காதல் வெற்றி யென்று அர்த்தம் ....!

ஒரு இதயம் சிரித்துக்கொண்டும் ....
ஒரு இதயம் அழுதுகொண்டும் ...
கவிதை எழுதினால் ..
காதல் ஊடலென்று அர்த்தம் ....!

ஒரு இதயமே சிரித்துக்கொண்டும் ...
அழுதுகொண்டும் கவிதை எழுதினால் 
ஒருதலைக்காதல் என்று அர்த்தம் ...!

மெல்ல இனி சாகும் .. உன் உயிர் ...!

ஒவ்வொரு இளையனும் ...
காலத்தால் குடிக்கும் விஷம் ...
காதல் விஷம் ....
இது தேவர்களும் கடையவில்லை...
அசுரர்களும் கடையவில்லை.....
உன்னை காப்பாற்ற நீலகண்டனும் ..
வரப்போவதில்லை ....!
ஆனாலும் பயப்பிடாதே ...!
காதல் விஷம் உன்னை ..
உடனடியாக கொல்லாது...!
மெல்ல இனி சாகும் ..
உன் உயிர் ...!

எனக்கு தெரியும் ...

எனக்கு தெரியும் ...
உன்னை இனி தொடர்ந்து
காதலிப்பது .எனக்கு நானே
கல்லறைக்கு குழி கிண்டுவதுபோல் 
என்றாலும் தொடர்ந்து உன்னை
ஏன் காதலிக்கிறேன் தெரியுமா ..?
உன்னிடம் இனியாரும் காதலில் 
வந்து விழுந்திடக்கூடாது..
என்பதற்காக மட்டும் தான்...!

காதலர்களே கவலைப்படாதீர் ...!

நீ என்னை பார்த்து 
சிரித்த நாட்களைவிட ..
நான் உன்னை நினைத்து 
அழுத நாட்கள் ..
தான் அதிகம் ..! 
காதலில் வலியென்பதே இல்லை ...
காதலில் வலிஎன்பதன் 
ஒத்தகருத்து சுகம் ...
காதலில் சுகமும் சோகமும் 
அதிகரித்தால் தான் ..
காதலின் ஆழம்  அதிகரிக்கும்.... 
காதலர்களே கவலைப்படாதீர் ...!

மனம் போய்விடும் ....!!!

பறிக்கப்பட்ட பூவில் 
மணம் போய்விடும் ....!!!

பறிக்கப்பட்ட காதலில் 
மனம் போய்விடும் ....!!!

ஜீவன் நான் ....!!!

உன் இமை துடிப்பில் 
வாழ்ந்து கொண்டிருக்கும் 
ஜீவன் நான் ....!!!

தாங்கும் இதயம்

நீ தந்த ஒவ்வொரு நினைவின் வலி 
நான் விடும் ஒவ்வொரு துளி கண்ணீர் 
தாங்கும் இதயம் இருப்பதால் வாழுகிறேன் ...!!!

சடலமாக வாழ்ந்திருக்கிறேன்

உன் கன்னம் கிள்ளிய நாள் 
என் மறு பிறப்பின் நாள் -அதுவரை
சடலமாக வாழ்ந்திருக்கிறேன்

காதலை உணராத நம்

நீயும் நானும் பார்த்தது 
தவறில்லை....!

ஒருவர் மீது கொண்ட
காதலும் தவறல்ல ...! 

காதலை உணராத நம் 
குடும்பத்தில் பிறந்ததுதான் 
தவறு ...!!!

சிறப்பு இடுகை

முதல் காதல் அழிவதில்லை

இந்த ஜென்மத்தில் ..... அழிவே அழியாது .... முதல் காதல் பேசிய ..... வார்த்தைகளும் .... நினைவுகளும் .......!!! துவையல் இடித்த ..... உரல...