Friday, July 4, 2014

பிறந்த நாள் வாழ்த்து கவிதை

பிறந்து விட்டாய் இந்த 
பூமியை புரிந்து கொள்ள 
பிறந்து விட்டாய் ....!!!

இயந்திரமய  உலகம்…….!
எதையும் விந்தையாக செய்யும் 
அதிசய உலகம் ....!!!
விளங்கியும் விளங்காத 
மானிடம்……!
விளங்க முடியாத பாசம் ...
மயங்கி விடாதே ....
நொந்துபோய் வெந்து 
வீழ்ந்து விடாதே ....!!!

தூய சிந்தனைவேண்டும்.
சிந்தித்ததை சீரியதாய் 
செய்ய வேண்டும் ....
உனக்காக எனக்காக 
வாழவேண்டாம் ........
நமக்காக வாழ கற்று கொள்....!!!

வருடங்கள் வருவதும் 
அவை நம்மை கடப்பதும் 
விந்தையில்லையே 
அதற்காக கொண்டாட்டம் 
தேவையில்லையே ....!!!

கடந்த 
வருடத்தில் என்ன ..?
செய்தாய் திரும்பி பார் ...!!!
இந்த 
வருடத்தில் என்ன செய்ய ..?
போகிறாய் .. எண்ணிப்பார் 
பிறந்த நாளில் ஒரு சபதம் எடு 
இருக்கும் தீய குணத்தை 
அழித்துவிடு ....!!!

பிறப்புகளில் உயர் பிறப்பு 
மானிட பிறப்பு ....
இப்பிறப்பில் நீ எல்லாம் 
பெறவும் ....
பெற்றவற்றை உலகிக்கு 
பகிரவும் வாழ்த்துகிறேன் 
மகிழ்கிறேன் உன் பிறந்த 
தினத்தை நினைத்து .....!!!

வாழ்க வளமுடன் 
மிளிர்க  தமிழுடன் ....!!!

ஒற்றை துவார மூச்சு ....!!!


அவள்...
காதலை தருவாள்
காதலை தருவாள்
என்று எத்தனையோ
நாட்கள் ஏங்கியிருந்தேன்
தர மறுத்தாள்
கவலை அடைந்தேன் ...!!!

கவிதையை தந்தாளே
என்று நினைக்கும் போது
ஓரத்தில் ஒரு துளி கண்ணீர்
இன்பமாக ஓடுகிறது ....!!!

உறங்கும் போது தூக்கம்
வர மறுக்கும் விழிகளுக்கு
அவள் நினைவுகள் தரும்
சுகத்தால் ஒரு துளி கண்ணீர்
சுமையுடன் சுகமாய்
வடிகிறது .....!!!

என் மூச்சு காற்று
இரு துவாரங்களில்
நடைபெற்றாலும் -அவள்
என்னை ஏற்கும் வரை
ஒற்றை துவார மூச்சாக
வாழ்கிறேன் - இறந்தாலும்
அவளுக்காகா காத்திருக்கும்
ஒற்றை துவார மூச்சு ....!!!

ஒற்றை ரோஜா வாடவில்லை ....!!!


இன்னும் என்னை விட்டு
விலகமாட்டேன் என்கிறது
சிறு வயதில் முதல் தோன்றிய
ஒற்றை வலி காதல் ....!!!

பத்திரமாக அவளுக்காய்
சேர்த்து வைத்த பொருட்கள்
இத்து போய் நூலாகியது
செத்து போகமாட்டேன்
என்கிறது அந்த காதல் ....!!!

இனி ஒரு பலனும் இல்லை
அறிந்தும் அழியமாட்டேன்
அடம் பிடிக்கிறது
அந்த காதல் .......!!!
இப்போது நினைந்தால்
வேதனை .......
மீண்டும் நினைத்து பார்த்தால்
வெட்கம் -என்னை அறியாமல்
தனியே இரண்டையும்
செய்கிறது இதயம் .....!!!

சிறப்பு இடுகை

முதல் காதல் அழிவதில்லை

இந்த ஜென்மத்தில் ..... அழிவே அழியாது .... முதல் காதல் பேசிய ..... வார்த்தைகளும் .... நினைவுகளும் .......!!! துவையல் இடித்த ..... உரல...