Monday, July 14, 2014

வலிக்குதடி உயிரே ...!!!

கண்ணால் ஏறுவரிசையில்
இருந்த நம் காதல்
கண்ணீரால் இறங்கு வரிசை
ஆகிறது .....!!!

என்
கையில் ஆயுள் ரேகை -நீ
ஆழமாக்குவதும்
அழிப்பதும் -நீ

நான்
எழுதுவது உனக்கு
கவிதை -எனக்கு
வாழ்க்கை ...
வலிக்குதடி உயிரே ...!!!

கஸல் 710

என் கவிதைகள் சுடுகிறது .....!!!

நான் காதலில் வடக்கு
நீ தெற்கு என்றாலும்
காந்த திசைதான் ...!!!

நீ கோபப்படுகிறாய்
என் கவிதைகள்
சுடுகிறது .....!!!

என் தலை எழுத்து
நீ தந்த காதல்
இறைவனால் கூட
மாற்ற முடியாது ...!!!

கஸல் 709

எனக்கு அதிர்ச்சி .....!!!

காதல் காற்றாடி நாம்
காற்றாடி விழுகிறது
நூல் என் கையில்...!!!

உன் கண் உனக்கு
கவர்ச்சி எனக்கு
அதிர்ச்சி .....!!!

உன்னை
நான் காதலித்த போதே
மயானத்துக்கு சென்று
வருகிறேன் ....!!!


கஸல் 708

என் காதல் பூ வாடவில்லை ...!!!

சிரிப்பை தந்து காதல்
தந்தாய் -இப்போ
வெறுப்பை பூக்குறாய்
என் காதல் பூ
வாடவில்லை ...!!!

இப்போ உன்னிடம்
கனவில் கெஞ்சுகிறேன்
உன் முகத்தை காட்டு ...!!!

நீ
என்னை பார்க்காத வரை
நான் கண் இருந்தும் பார்வை
அற்றவன் ....!!!

கஸல் 707

உன் மூச்சு காற்றுக்கு அஞ்சி

என் கவிதைகள் நீ
தந்த காயங்களில் இருந்து
வரும் கருப்பு வரிகள் ...!!!

உன்னை காதலிக்க
வேண்டும் என்றால்
என் மூளை இறக்க
வேண்டும் .........!!!

உன் மூச்சு காற்றுக்கு
அஞ்சி நான் காற்று
இல்லா கிரகத்துக்கு
செல்கிறேன் .....!!!

கஸல் 706

சிறப்பு இடுகை

முதல் காதல் அழிவதில்லை

இந்த ஜென்மத்தில் ..... அழிவே அழியாது .... முதல் காதல் பேசிய ..... வார்த்தைகளும் .... நினைவுகளும் .......!!! துவையல் இடித்த ..... உரல...