Wednesday, July 23, 2014

உன் நினைவுதான் என் உருவம் ...!!!

உன்
சேலை மடிப்பில்
ஒவ்வொரு மடிப்பிலும்
என்னை நீ மடித்து
செருகியுள்ளாய் அதனால்
நீ இத்தனை அழகாய்
திமிருடன் இருக்கிறாய் ....!!!

என்னிடம்
இருந்து நினைவுகளை
காதலை பெற்று அழகாய்
இருப்பவளே - உன்னை தவிர
என்னிடம் எதுவும் இல்லை
உயிரே -உன் நினைவுதான்
என் உருவம் ...!!!

நினைவெல்லாம் நீ தான் உயிரே ....!!!

எந்த
அழகான பொருட்களும் ..
நீ எனக்கு தந்ததாகவே ..
உணர்கிறேன் ....!!!

நீ தந்த நினைவு
பொருட்கள் எல்லாம்
அருங்காட்சி சாலையில்
வைத்திருக்கிறேன்
என் இதயம் தான் அது ...!!!

பகலேது இரவேது
சூரியன் எது..? சந்திரன் எது ..?
எனக்கு தேவையில்லை
எல்லா நேரமும் நீ தான் உயிரே ..!!!

நான் உனக்கு செய்யும் அர்ச்சனை ....!!!

எத்தனை 
முறை எழுதினாலும் 
என்ன எழுதினாலும் 
அலுக்காமல் இருப்பது 
உன்னை பற்றிய கவிதை ...!!!

உன்னை நினைக்க முதலே 
கவிதை தானாக வருகிறது 
காதல் நாம் வணங்கும் கடவுள் 
கவிதை நான் உனக்கு செய்யும் 
அர்ச்சனை ....!!!

கே இனியவனின்
காதலால் காதல்
செய்கிறேன் உயிரே ..!

இணைந்து விட்டோம் உயிரே ...!!!

என்னை .....
பத்திர படுத்தியதை 
காட்டிலும் உன்னை பத்திர 
படுத்துகிறேன் கவனமாக 
நீ இருக்கும் இடம் -என் 
இதயம் என்பதால் ....!!!

இதயங்கள் இணைவது 
காதல் - உயிராய் இணைவது 
திருமணம் நாம் இரண்டாகவும் 
இணைந்து விட்டோம் உயிரே ...!!!


கே இனியவனின்
காதலால் காதல்
செய்கிறேன் உயிரே ..!

சிறப்பு இடுகை

முதல் காதல் அழிவதில்லை

இந்த ஜென்மத்தில் ..... அழிவே அழியாது .... முதல் காதல் பேசிய ..... வார்த்தைகளும் .... நினைவுகளும் .......!!! துவையல் இடித்த ..... உரல...