Tuesday, August 26, 2014

காதலில் தருகிறது இன்பம் ...!!!

காதலில் தருகிறது இன்பம் ...!!!

மதுவின் பழக்கம் 
பருக பருக மயக்கம் தரும் ...
என்னவளின் இன்பம் ...
ஊரார் பேச பேச ....
போதை தரும் ....!!!

பருகுவது போதை தான் 
மகிழுகிறது மனம் ..
பேசுவது ஊராரின் பேச்சு...
காதலில் தருகிறது இன்பம் ...!!!

திருக்குறள் : 1145
+
அலரறிவுறுத்தல் 
+
களித்தொறும் கள்ளுண்டல் வேட்டற்றால் காமம்
வெளிப்படுந் தோறும் இனிது. 

+
திருக்குறளும் கவிதையும் - இன்பத்துப்பால் 65

இருவரும் பேசிவந்த காதல்

இருவரும் பேசிவந்த காதல்

மனத்தால் 
நாம் இருவரும் பேசிவந்த 
காதல் - இன்று ஊரார் 
பேச்சில் சாதாரணமாகி 
விட்டது ....!!!

உப்பில்லா ...
பண்டம் குப்பையிலே.... 
ஊர் பேச்சில்லா காதல் 
உயிரற்ற காதலே ....
ஊர் பேச்சு காதலுக்கு 
ஒரு வீச்சு .....!!!

திருக்குறள் : 1144
+
அலரறிவுறுத்தல் 
+
கவ்வையால் கவ்விது காமம் அதுவின்றேல்
தவ்வென்னும் தன்மை இழந்து. 

+
திருக்குறளும் கவிதையும் - இன்பத்துப்பால் 64

நம் வாழ்நாள் வரை .....!!!

நம் வாழ்நாள் வரை .....!!!

என்னவளுக்கும் ..
எனக்கும் இடையே இருக்கும் 
காதலை ஊர் பேசியே 
உறுதியாக்கி விடுவார்கள் 
போலும் ......!!!

நான் 
உன்னை அடைவேனா ...?
நம் வாழ்கை இணையுமா ..?
ஏக்கங்கள் நிறைந்த காதலை 
ஊராரின் பேச்சு உரமாக்கி விடும் 
நம் வாழ்நாள் வரை .....!!!


திருக்குறள் : 1143
+
அலரறிவுறுத்தல் 
+
உறாஅதோ ஊரறிந்த கௌவை அதனைப்
பெறாஅது பெற்றன்ன நீர்த்து. 

+
திருக்குறளும் கவிதையும் - இன்பத்துப்பால் 63

சிறப்பு இடுகை

முதல் காதல் அழிவதில்லை

இந்த ஜென்மத்தில் ..... அழிவே அழியாது .... முதல் காதல் பேசிய ..... வார்த்தைகளும் .... நினைவுகளும் .......!!! துவையல் இடித்த ..... உரல...