Saturday, December 24, 2016

மொழிக்கவிதை கவிப்புயல் இனியவன்

புத்தாண்டு கவிதை 
அடுக்கு தொடர் கவிதை
-----------------------------------------

வருக வருக புத்தாண்டே வருக ......
தருக தருக இன்பவாழ்க்கை தருக......
பொழிக பொழிக வளம் பொழிக .....
வாழ்க வாழ்க உயிரினங்கள் வாழ்க ......!!!

போ போ பழைய ஆண்டே போ .....
ஓடு ஓடு துன்பங்களோடு ஓடு .....
போதும் போதும் துன்பங்கள் போதும் ....
ஐயோ ஐயோ தாங்காது மனம் ஐயோ....!!!

அணு அணுவாய் பெற்றோம் இன்பம் .....
வண்ண வண்ண கனவுகள் கண்டோம் ....
விடிய விடிய கண் விழித்து உழைத்தோம் ....
ஓட ஓட நினைக்க வைத்தது காலம் .......!!!

இனிக்க இனிக்க வாழ்கையை தா புத்தாண்டே ....
அன்பான அன்பான உறவுகளை தா புத்தாண்டே...
உழைக்க உழைக்க உடல் உறுதியை தா புத்தாண்டே...
நினைக்க நினைக்க ஞானத்தை தா புத்தாண்டே.....!!!

^^^

மொழிக்கவிதை 
கவிப்புயல் இனியவன் 


---
அடுக்கிடுக்குத் தொடர்கவிதை 
காதல் கவிதை 
---------------------------------------------------

கன்னங்கரிய முடியழகி......
செக்கச் சிவந்த உடலழகி.....
சின்னஞ்சிறிய கண்ழகி .....
பென்னம் பெரிய பின்னலழகி ....!!!

வெட்டவெளி பாதையிலே ....
தன்னந்தனியே வந்தவளே ...
நடுநடுங்க வைக்கிறாயே ..... 
பதைபதைத்து போனானே ,,,,,,!!!

பென்னம் பெரிய ஆசையுடன் .....
தன்னந்தனியே தவிக்கிறேன் ....
பச்சைப்பசேரென ஒரு பதிலை ....
திக்குத்திணற சொல்வாயோ ....?

^^^

மொழிக்கவிதை 
கவிப்புயல் இனியவன் 
----

கவிப்புயல் இனியவன் வசனக்கவிதை

காதல் என்றால் என்ன ...?
காதலித்துப்பார் புரியும் ...!
^
காதலிப்பது எப்படி ...?
காதலோடு பார் வரும் ...!
^
காதலோடு பார்ப்பது ...?
அன்போடு பார் புரியும் ....!
^
அன்போடு பார்ப்பது....?
பிரபஞ்சமாக பார் வரும் ....!
^
பிரபஞ்சம் என்றால் ....?
பஞ்ச பூதங்களின் கூட்டு .....!
^
பிரபஞ்சதுக்கும் காதலுக்கும் ....?
பஞ்சபூத கூட்டே மனிதன் ....!
^
மனிதன் என்றால் ....?
மனிதம் நிறைத்த உள்ளம் ....!
^
மனிதம் என்றால் ....?
பகுத்தறிவோடு வாழ்வது ....!
^
பகுத்தறிவு என்றால் ...?
இத்தனை கேள்வியும் கேட்காமல் 
தானே கண்டறியும் அறிவு ....!!!

^^^

கவிப்புயல் இனியவன் 
வசனக்கவிதை

காதல் பூ போன்றது

ஏன்... 
சிந்திக்கிறாய் ..?
பூ தருவதா ....?
பூ வளையம் தருவதா ...?
என்றா .....?

@@

கொத்து கொத்தாக .....
இருந்த காதல் ஏன் .....
தனி இதழாக.....
வந்துவிட்டது ...???

@@

காதல் பூ போன்றது ....
தூரம் நின்று பார்த்தல் ...
அழகு ....
தொட்டு பார்த்தால் ....
ஆபத்து ....!!!

பூவாய் அவள் இருக்கிறாள் ....
இதழாய் நான் இருக்கிறேன் ...
காம்பாய் காதல் தாங்குகிறது ...!!!

@@

காதலை 
தாமரைபோல் விரிந்திரு .....
மல்லிகை போல் மனம் கவர் ....
ரோஜாபோல் எச்சரிக்கையாயிரு ...!!!

@@

பூமரம் ....
நாளாந்தம் பூத்தால் அழகு ....
காதலில் ....
நாளாந்தம் பேசினால் அழகு ...!!!

@@

விண்ணுலகில் 
பூக்கும் மலர்கள் ....
விண்மீன்கள் ....!!!
மண்ணுலகில் ....
பூக்கும் மலர்கள் .....
காதலர்கள் ...!!!

@

காதலி 
மலர் போன்றவள்.....
வாடி விழுந்தாலும் ...
நினைவுகளை ...
தேனாய் தந்து விட்டாள் ...!!!

@

என் வீடு பூக்களில் ...
உன் தேகத்தின் வாசம் ....
விழுங்கி விட்டது ...
அனைத்து பூக்களின் ...
வாசத்தையும் ....!!! 

@

காதல் பூ தான் ....!!!

பூவை யாருக்கு ....
பிடிக்காமல் விடும் ..
எல்லோருக்கும் பிடித்த ...
ஒரே பொருள் -பூ ....!!!

காதல் பூ தான் ....!!!

பூவின் பங்களிப்பு ....
இல்லாத காதல் உண்டா ...?
பூ இல்லாத காதல் ....
காதலாகுமா ....?

பொங்கல் கவிதை,பொங்கல் ஹைக்கூ ,பொங்கல் சென்ரியூ ,

தை - திருமகளே வருக வருக ....
தைரியம் துணிவு சிறக்க வருக வருக ....
தை பிறந்தால் வழி பிறக்க வருக வருக ....
தைத்தியரை அழிக்க வருக வருக ....!!!

முற்றத்தில் கோலமிட்டு .....
முக் - கல் அடுப்பு வைத்து ....
முத்திரி விளக்கேற்றி .....
முக்குணத்தை அழிக்க ...
முக்காலமும் சிறப்பாக அமைய ....
கரம் கூப்பி உம்மை அழைக்கிறேன் 
தை- திருமகளே வருக வருக ....!!!

உன்னையே உயிராய் .....
உன்னையே தொழிலாய் ....
உன்னையே மூச்சாய் வாழும் ....
உன்னையே தெய்வமாய் .....
உழைத்து வாழும் உழவு விவசாயம்...
செழித்து வாழ என் உயிர் தாயே .... 
தை- திருமகளே வருக வருக ....!!!

^
பொங்கல் கவிதை
----பொங்கல் ஹைக்கூ 
--------

சேற்றை மிதித்து 
சோற்றை தருபவன் நாள் 
பொங்கல் 

^^^

பச்சரிசி பல் அழகி 
பால்வடியும் முகஅழகி 
பொங்கல்

^^^

மும்மாரி பொழிந்து 
மூவேளை உணவுதரும் நாள் 
பொங்கல் 

^^^

கவிப்புயல் இனியவன் 
பொங்கல் வாழ்த்துகள் 
-----
பொங்கல் சென்ரியூ 
-----

எறும்புக்கு கொண்டாட்டம் 
சக்கரை நோயாளிக்கு திண்டாட்டம் 
பொங்கல் 

^^^

நெல் கதிர் ராணிக்கு 
சூரிய ராஜாவுக்கும் திருமணம் 
பொங்கல் 

^^^

சக்கரை நோயாளிக்கு 
எச்சரிக்கை வைத்தியர் 
பொங்கல் 

^^^

கவிப்புயல் இனியவன் 
பொங்கல் சென்ரியூ

-----
பொங்கல் லிமரைக்கூ
-----------

அறுவடையின் இன்பம் பொங்கல் 
கடன் பட்ட விவசாயிக்கு சஞ்சலம் 
நெல் விலை வீழ்ச்சியோ தொங்கல் 

^^^

முக்கல் வைத்து பொங்கல் 
ஊதி ஊதி இழைத்து உடம்பு 
பச்சை விறகால் சிக்கல் 

^^^

கவிப்புயல் இனியவன் 
பொங்கல் லிமரைக்கூ

-----
பொங்கல் காதல் கஸல் 
-----

பொங்கி வழிந்தது 
காதல் நினைவுகள் 
கருகிப்போனது ...
உன் வார்த்தையால் ...
காதல் ....!!!

கரும்பின் நுனியும் ...
அடியும் ஒரே சுவையில்ல ...
உன் காதல் பாதையும் 
என் காதல் பாதையும் ...
ஒன்றில்லை 
பார்வைக்கு காதலும் 
கரும்பும் ஒன்றுதான் ...!!!

தலை 
குனிந்து நிற்கும் ....
நெற் கதிர்போல் .....
என்னைகண்டு தலை ....
குனிகிறாய் .....
நெல்லுக்கு அழகு ....
உனக்கு இழுக்கு ....!!!

^

கவிப்புயல் இனியவன் 
பொங்கல் காதல் கஸல் 

கே இனியவன் தன்னம்பிக்கை கவிதை

மரத்திலிருந்து விழும் ...
பழுத்த இலை சொன்னது ...
நான் எத்தனையோ முறை ..
வானத்தை தோட முயற்சித்தேன் ..
முடியவில்லை -என்றாலும் ..
கலங்கவில்லை .....!!!

என் அடுத்த ..
வாரிசு நிச்சயம் தொடும் ...
என் குழந்தை துளிர் ..
நிச்சயம் எட்டுவான் ...
தந்தை செய்து முடிக்காத ..
நாற்காரியத்தை -மகன் 
நிறைவேற்றியே தீரவேண்டும் ...!!!

+
கே இனியவன் 
தன்னம்பிக்கை கவிதை

காதல் விடுகதை (நொடி )

காதல் விடுகதை (நொடி )

நான் நானாக உள்ளபோது
நீ நீயாக இருக்கிறாய்
நீ நீயாக இல்லாதபோது
நான் நானாக இல்லை
நீ நீயாக உள்ளபோது
நான் நானாக இருக்கிறேன் எனின்
நான் யார் ? (..................)
முடிந்தால் விடை தாருங்கள்

இனியவனின் வறுமை கவிதை

குழந்தைக்கு பசிவந்தால் ......
தாயின் வயிறு எரியும் ....
தந்தையின் மனசு புகையும் .....
வீட்டில் இருக்கும் ....
எல்லோர் வயிறும் வெந்து ....
சிவக்கும் .......!!!

--------

வீட்டில் அடுப்பெரியாத ....
போதெல்லாம் விறகுகள் ....
ஓய்வெடுக்கும் ....
அகப்பைகள் நடனமாடும் .....
எலும்புகள் விறகாகும் ....
நரம்புகள் சாம்பலாகும் ....!!!

--------

செல்வந்தன் வீட்டில் ....
ஜீரணமாகாமல் அவதிப்படுகிறான் ....
வறியவன் வீட்டில் ....
ஜீவனை காக்க அவதிப்படுகிறான்...!!!

இனியவனின் இயற்கை கவிதை

என்னைப்போல் எந்த நேரமும் 
நிமிர்ந்து நிற்பவன் ...!!!

எனக்கு பிராண வாயுவை 
தந்து வாழவைப்பவன் ...!!!

எனக்காக தினம் 
தோறும் உணவு தருபவன்....!!! 

தன்னையே அழித்து 
ஒளியை தருபவன் ...!!!

பச்சை நிறத்தை 
பார்த்தால் கண்ணுக்கு 
சிறப்பு என்பதற்காக 
வைத்தியனாக இருப்பவன் ....!!!

என் வீட்டு முத்தத்தை 
அழகுபடுத்துபவன்....!!! 

இரவும் பகலும் துங்காமல் 
உழைப்பது இரண்டு....
ஒன்று என் இதயம் 
மற்றையது என் மரம்....!!! 

யாருக்கு விளங்கப்போகிறது ..?

யாருக்கு விளங்கப்போகிறது ..? 
----------
பள்ளி காலத்தில் .... 
சுற்றுலா சென்றேன் 
கல்வி சுற்றுலாவாம் .....!!!

சுற்றுலா பேரூந்தில் 
ஏறிய நிமிடத்தில் இருந்து 
உன்னை சுற்றிப்பர்ப்பது 
எனக்கு சுற்றுலா..... 
யாருக்கு விளங்கப்போகிறது ..? 

சுற்றுலா முடிந்தது ....
அறிக்கை எழுத சொன்னால் ...
உன்னை பற்றியே எழுதுவேன் ...
மன்னித்துவிடு ....!!!

இனியவனின் ஏக்கக் கவிதை

வலியால் துடிக்கிறது இதயம் ...!!!
------------

அழுகிறேன் கதறுகிறேன் ... 
நடக்க போவது ஒன்றுமில்லை ....
தெரிந்தும் அழுகிறேன் ..!!! 

நீ எனக்கு இல்லை ....
உறுதியாக தெரிந்த பிறகும், 
உயிரோடு இருக்கிறேன் ........!!!

உனக்காகவோ 
என்னக்காகவோ அல்ல 
உன்னோடு வாழ்ந்த 
அந்த நினைவுகளுக்காக ........!!!

என் இடது இதய அறையில் ...
பழைய நினைவுகள் ...
என் வலது இதய அறையில் ...
புதிய நினைவுகள் .....
வலியால் துடிக்கிறது இதயம் ...!!!

சிறப்பு இடுகை

முதல் காதல் அழிவதில்லை

இந்த ஜென்மத்தில் ..... அழிவே அழியாது .... முதல் காதல் பேசிய ..... வார்த்தைகளும் .... நினைவுகளும் .......!!! துவையல் இடித்த ..... உரல...