இந்த வலைப்பதிவில் தேடு

புதன், 9 மார்ச், 2016

சிந்திக்க வைப்பதே ஹைக்கூக்கள்

இட்ட முட்டை சுடுகிறது 
எடுத்து சென்றாள் கருவுற்ற பெண் 
ஏக்கத்தோடு பார்த்தது கோழி 

^^^ 

கடத்தல்காரன் கையில் பணம் 
வன அதிகாரிகள் பாராமுகம் 
ஓடமுடியாமல் தவிர்க்கும் மரம் 

^^^ 

காடழிப்பு 
ஆற்று நீர் ஆவியானது 
புலம்பெயரும் அகதியானது கொக்கு 

^^^ 

குடும்ப தலைவர் மரணம் 
ஒன்பது பிள்ளைகளும் ஓலம் 
கருத்தடை செய்த நாய் சாபம் 

^^^ 

சட்டம் ஒரு இருட்டறை 
கருவறை இருட்டறை 
சிசு மர்மக்கொலை 

^^^^^ 

வியர்வை சிந்தாமல் வேண்டாம் 
வியர்வை உலர்ந்தபின் வேண்டாம் 
ஊதியம் 



கண் வரைதல் ஓவிய போட்டி 
முதல் பரிசு பெற்றான் மாணவன் 
பார்வையற்ற மாற்றுத்திறனாளி 



தொட்டிக்குள் இலை குவிகிறது 
தூய்மையானது சாப்பாட்டுக்கடை 
ஏழை வயிறு நிரம்பியது 



பூமி உருண்டை 
அதுதான் சிறிதாக இருக்கிறது 
தொட்டிக்குள் மீன் 



வெற்றி கிடைக்குவரை 
கட்சி மீது விசுவாசமாய் இரு 
தேர்தல் ராஜ தந்திரம் 

@@@ 

கருத்துகள் இல்லை:

கருத்துரையிடுக