இயற்கையின்
அத்தனை நிறங்களையும்
இறக்ககைகளில் உள்வாங்கி
அசைந்துகொண்டிருந்தது மயில்
அசந்து போனேன் அதன் அழகில்
சில வினாடிகளில் ...
அகவியது மயில்
அதிர்ந்தன செவிப்பறைகள்
எதிரே ...
கரிய நிறத்தில் ஒரு பறவை
காகத்தின் சாயல்
'கருங்குயில்' அதன் பெயர்
கூவியது கருங்குயில்
குளிர்ந்து என் உள்ளம்
பிறந்தது ஒரு கேள்வி
புறத்தில் மயில் அழகு
அகத்தில் குயில் அழகு
புறமா? அகமா?
எது அழகு?
கருத்துகள் இல்லை:
கருத்துரையிடுக